കണ്ണൂനീർ

മിഴിയിടകളിൽ

തുളുമ്പി വീഴുന്ന

സംഗീതമാണ്

കണ്ണുനീർ..

ആത്മാവിന്റെ

വിങ്ങലായ്...

ആനന്ദത്തിന്റെ

തുള്ളികളായ്...

അടക്കാനാവാതെ

ആർത്തലച്ച് പെയ്യുന്ന

പേമാരിയായ്......

അത്, 

പെയ്യുന്നു

മേഘക്കമ്പികളും

മീട്ടിക്കൊണ്ട്.

കണക്ക്

വരകളൊന്നുമില്ലാത്ത

നിന്റെ കണക്കുബുക്കിൽ

ചിട്ടയോടെ, നീ നിന്റെ

സൌഹൃദത്തേയും പ്രണയത്തേയും

ഗുണിച്ച് കൊണ്ടിരുന്നു.

പെട്ടന്ന്,

പ്രണയത്തെ നീ

സൗഹൃദം കൊണ്ട്

ഹരിച്ചു കളഞ്ഞു

ശിഷ്ടം കിട്ടിയ സൌഹൃദത്തെ

കോമ്പസ്സില്‍ തറച്ച്

പ്രണയത്തിന്റെ നെഞ്ചിൽ

നീ വട്ടം വരച്ചു കൊണ്ടേയിരുന്നു.

കണക്കിൽ ‍ നീ വിജയിക്കും,, 
തീർച്ച




.

മരണം

ഒരുപാടൊരുപാട്

മണ്ണും പൊടിയും

മരവും താണ്ടിയാണ്

ഇത്രടമെത്തിയത്..

എന്നിട്ടും, എത്ര പെട്ടന്നാണ്

ഒരിലയനക്കത്തിന്റെ

താമസം പോലുമില്ലാതെ

നീ എന്നെ

മണ്ണിലേക്കുതന്നെ

തിരികെ കൊണ്ടുപോയത്